標題:
倉鼠有bb？***有10點
發問:
我屋隻倉鼠女生咗bb，我想知道倉鼠bb的生長過情表同D BB 幾多歲食D咩個表，可唔可以比我？ 如果D bb & 媽媽 一齊比毛巾蓋着，會唔會焗親？ 因為D BB &媽媽 一齊都住在一個鐵枝寵裏面，我見D BB 好細隻，驚D BB 會爬出來，我就用一個紙袋入住個寵，會唔會焗親 D BB & 媽媽？ 我重想知多D 有關 D bb & 媽媽 的知料，可唔可以比我？ *D bb & 媽媽=倉鼠BB 和 倉鼠媽媽
最佳解答:
冇話鼠b幾多歲要食d咩架,到戒奶之前都要食媽媽既奶,到鼠b識爬去食野之後,都係開始可以食鼠糧,大約係第12,13日大左右.到咁上下既日數就要將d糧整細粒d,唔係bb就好難食到or哽到架啦. 你用毛巾蓋住鼠媽媽可能會咬喎,如果你條毛巾整左d孔都唔會好焗,我之前試過d bb真係會趺左出唻,我就會用d膠既file 袋剪開唻包住個籠,當然都係有好多細孔啦.用紙袋裝住就不如包得好d,始終bb趺左出唻落袋,都好難養得大架啦.不過你整既話要小心,唔好打擾到佢地呀. 生左bb之後,要小心唔好攪到鼠媽媽食左d bb,要留意以下幾點: 1)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶) 2)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既 3)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事. 4)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既. 食自己鼠bb有幾個原因: 1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb 2)鼠媽媽覺得bb養唔大-鼠bb身體弱 or 自己冇足夠既奶分俾佢地 3)鼠媽媽覺得bb有第d動物氣味 4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張 5)鼠bb死左 6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb 鼠bb成長階段: 1)出世: 未開眼,有d牙仔,冇毛,有細爪 2)第七日: 開始出毛 3)第十日: d毛開始生長到都幾多 4)第十二日: 鼠媽媽開始唔會幫鼠b清理排泄物,鼠b會自己爬出去搵野食,要注意俾放既糧食既野唔可以太大舊,整細粒d d糧,如果近粉抹既食物就要加少少水. 5)第十五日: 開眼 6)第十六日: 出齊毛啦 7)第十八至廿一日: 戒奶,要將bb同媽媽分開 8)一個月至四十五日: 成熟期,鼠既品種唔同有唔同既成熟期 另外,希望你可以諗下唔繁殖鼠鼠,鼠鼠既繁殖速度好快,而且鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既. 而且繁殖鼠鼠咁多問題,就算樣樣都解決到,都會令鼠鼠既生活質素下降,鼠媽媽生育後壽命又會縮短,好多隻鼠又會有第d問題,所以點解要鼠鼠生bb呢?
其他解答:
此文章來自奇摩知識+如有不便請留言告知
我覺得最好你朝早就拎開個袋啦=) 因為夜晚佢地先系活動既時間.. 不過你唔好搞d bb-3-" 我個fd試過掂左1下d bb 之後果隻媽媽就食左佢地-o-" 好得人驚-o-
留言列表
