標題:
14天歐洲意法旅行
此文章來自奇摩知識+如有不便請留言告知
發問:
我計劃好跟朋友2個女仔去歐洲14天,會去意大利同法國. 行程會是Rome--Florence --Venice--Paris 想請問一下我們在交通方面是否買火車Pass抵一點? 還是點對點火車票會好D呢? 而冶安是否真係好差? 因為我上網睇到太多唔好既評語... 雖然去就一定會去.但還是有點擔心... 唔知大家有咩小貼士提點一下? THANKS
最佳解答:
1. 你們大部份時間在意大利， 意大利火車班次很密， 不需要用 Pass， 可以到時買， 或在到達某地時買定去下一站車票， 但上車入閘時， 記得在閘口的機器打上日期， 否則有人成機查票罰錢。 2. 你們由Venice 去 Paris, 可以搭飛機或夜車， 夜車晚上 8 點由 Venice 出發， 早上 8 點到達巴黎， 由於 Venice 有兩個火車站， 一個在大陸（Venezia Mestre)， 一個在島上(Venezia S Lucia)所以時間有不同， 但票價一樣HKD929 或 Euro 117. 你可以在港訂票， 或到意大利購買， 在出發前三日購買。 http://www.raileurope.hk/spip.php?page=sales&re_domain=ptp&re_oper=results 3.你們在Paris 可以買 10次的地鐵票， 不限期使用的， 甚至你們在將要離開時， 可能不能完全用完， 就可以你過完閘到我過，可以連續用兩次， 因為只有一個票價，出閘冇人理嘅。 但你去凡爾賽宮就要買 RER 火車票。 http://goparis.about.com/od/transportation/ss/Metro_and_Buses_3.htm http://goparis.about.com/od/transportation/ss/Metro_and_Buses_4.htm 如果你去參觀博物館，記得先上網 check 定那間博物館或畫廊星期幾休息， 如羅浮宮休星期二，奧塞博物館休星期一，Florence 嘅畫廊， 都有不同休息日期，以免去到摸門釘. 法國同意大利治安唔係好好， 你們要注意人身同財物安全 1. 不要周身名牌， 不要帶貴重首飾 2. 相機要放好， 唔好放在背囊 3, 你可以去百貨公司買一個最扁嘅腰包， 貼身帶住， 出外時用衣服蓋好，沖涼都要帶入浴室。證件同現金分隔放， 以防有人假扮警察要睇你證件， 唔好俾佢睇到錢。銀包或褲袋袋住零錢， 隨時可用. 4. 所有證件， Credit 咭， 提款咭都要影印一份副本放在家中， 以便遺失或被竊時報警報失，補領。 5. 貴重物品同現金可以請酒店櫃台代你保存 6. 記住【境外港人求助熱線】： 852-1868. http://www.gov.hk/tc/residents/immigration/outsidehk/assisthk24.htm 7. 搭地鐵同巴士， 唔好站近車門， 背囊或皮箱唔好放在靠近車門地方， 因為賊人會落車時順手取去。 8. 去歐洲旅行，最緊要小心扒手，記住除咗你個朋友，其他所有人都可能係扒手。 特別要小心帶住小孩的吉普賽婦人。 大多由一個媽帶領,後頭會有神出鬼沒的一群小孩偷襲包包。我見過嗰個係抱住BB， 仲拖住個五，六嵗嘅女。不過佢地多數着得好污糟。 9. 有人向你問路，千祁唔好睬佢， 因為唔會有人向遊客問路嘅。 10. 如果發現他們對你有行動，要大聲呼叫，引起別人注意。 最緊要著對舒服嘅鞋， 要行好多路。 祝你玩得開心， 安全番到屋企。
其他解答:
留言列表
